• Өнөөдөр 2026-11-16

СҮХБААТАР АЙМГИЙН АЖИЛ ОЛГОГЧ, ХУВИАРАА ХӨДӨЛМӨР ЭРХЛЭГЧ 200 ИРГЭН ХАБЭМ-ИЙН МЭДЛЭГ ОЙЛГОЛТОО НЭМЭГДҮҮЛЛЭЭ

2026-11-16,   107

   Хөдөлмөрийн аюулгүй байдал, эрүүл мэндийн урьдчилан сэргийлэлтийн цогц аяны Сүхбаатар аймагт үргэлжилж байна.

     Тус аймгийн төрийн болон хувийн хэвшлийн аж ахуйн нэгж байгууллагын 150 орчим ажил олгогч, удирдлагын түвшний төлөөлөл, ХАБЭА-н асуудал хариуцсан мэргэжилтэн мөн хувиараа хөдөлмөр эрхэлж буй 50 гаруй иргэн үйлдвэрлэлийн осол, хурц хордлого, мэргэжлээс шалтгаалсан өвчнөөс урьдчилан сэргийлэх сургалтад хамрагдлаа.

  Сургалтаар салбарын хууль, эрх зүй, дүрэм, журам, стандартын шинэчлэл, хөдөлмөрийн аюулгүй байдал, эрүүл ахуйн ерөнхий ойлголт, аюул, осол, эрсдэлээс хэрхэн урьдчилан сэргийлэх, аж ахуйн нэгж байгууллагын хөдөлмөрийн аюулгүй байдал, эрүүл ахуйн удирдлага, зохион байгуулалт, хөдөлмөрийн эрүүл мэндийн тандалт, нийгмийн даатгалын хууль тогтоомжтой холбоотой мэдээлэл өглөө.

  Мөн аймгийн нэгдсэн эмнэлэг, Уртын гэгээ болон Хот тохижилт ОНӨААТҮГ, Дарьт шүтээн ХХК, Мөнх хаан сумын Ерөнхий боловсролын сургууль, Эрүүл мэндийн төв зэрэг байгууллагуудын хөдөлмөрийн нөхцөлийг үнэлж, эрсдэлийг хэрхэн яаж илрүүлэх, үнэлэх, бууруулах чиглэлээр зөвлөн туслах үйлчилгээг өгч ажиллаж байна.


СҮХБААТАР АЙМГИЙН АЖИЛ ОЛГОГЧ, ХУВИАРАА ХӨДӨЛМӨР ЭРХЛЭГЧ 200 ИРГЭН ХАБЭМ-ИЙН МЭДЛЭГ ОЙЛГОЛТОО НЭМЭГДҮҮЛЛЭЭ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188