Тайланд Улсын Паттаяа хотод “IFBB Asian Championships 2026” буюу Азийн аварга шалгаруулах тэмцээн 2026 оны арваннэгдүгээр сарын 13–16-ны өдрүүдэд зохион байгуулагдаж байна. Монголын бодибилдинг, фитнессийн хөгжлийн холбооны шигшээ баг, тамирчид амжилттай өрсөлдөж эхэллээ. Монголын бодибилдинг, фитнессийн хөгжлийн холбооны тамирчин Бат-Эрдэнийн Пагмадулам “IFFBB”  Азийн аварга шалгаруулах тэмцээн “MASTER WOMEN’S BODYFITNESS 35 YEARS & OVER” ангилалд  6-р байр, “WOMEN’S BODYFITNESS UP TO 163 CM” ангилалд гуравдугаар байрт шалгарч хүрэл медаль хүртсэн байна.

     Лхамсүрэнгийн Пунсалдулам маань “WOMEN’S BODYFITNESS OVER 163 CM” ангилалд Азийн шилдгүүдтэй хүч чадал, ур чадвараа сорин өрсөлдөж, 4-р байрт оржээ. Харин Пүрэвдэмбэрэлийн Идэрширээт “Men’s Physique up to 176 cm” ангилалд хүрэл медаль хүртжээ. Мөн Төмөрдашийн Гантулга өдгөө 64 настай хэдий ч залуу тамирчидтай эн тэнцүү хүч чадал, ур чадвараа сорин “Master Men’s Physique 40 Years & Over” болон “Open” ангилалд амжилттай өрсөлдөж, шилдэг зургаан тамирчны нэгээр шалгарсан байна.