• Өнөөдөр 2026-11-16

Монголын мөсөн сийлбэрчид Испанид дахин түрүүллээ

2026-11-16,   171

Соёлын тэргүүний ажилтан, мөсөн сийлбэрч Ц.Мөнх-Эрдэнэ, Б.Доржнамжил нар Испанийн Мадрид мужийн Торрехон-де-Ардос хотод болсон олон улсын мөсөн сийлбэрийн тав дахь удаагийн тэмцээнд “Тэнгисийн үнсэлт” бүтээлээрээ түрүүлж, алтан медаль хүртлээ. 11-р сарын 7–13-нд болсон тэмцээнд 14 орны 22 уран бүтээлч 10 багаар өрсөлдөж, ялагчдыг 11-р сарын 14-нд тодруулсан. Энэ удаагийн сэдэв нь далайн амьтад, усан доорх ертөнц, домгийн амьтад байв. Баг бүр талбайд тус бүр 125 кг жинтэй 25 мөсөн блокоос долоон өдрийн турш бүтээлээ урласан байна.

Монголын баг тус тэмцээнд анх удаа түрүүлж байгаа хэрэг биш. Тэд 2024 онд болсон гурав дахь удаагийн тэмцээнд “Алиса: Гайхамшигт аялал” бүтээлээрээ тэргүүн байр эзэлж, үзэгчдийн шагналыг ч хүртэж байсан.

Хоёулаа Монголын Мөсөн баримлын үндэсний холбооны гишүүд бөгөөд Хятад, АНУ, Швед, Латви зэрэг улсын тэмцээн, наадмаас шагнал хүртэж байсан. Ц.Мөнх-Эрдэнэ 2019 онд Шведийн Кальмар хотод болсон олон улсын элсэн баримлын уралдаанд түрүүлж, дэлхийн мөсөн сийлбэрчдийн аварга шалгаруулах тэмцээнээс хүрэл медаль авч байсан амжилттай.

 


Монголын мөсөн сийлбэрчид Испанид дахин түрүүллээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188