• Өнөөдөр 2026-11-16

Үндэсний бөхийн залуучуудын улсын аварга өндөрлөв

2026-11-16,   162

    Аймгийн заан Ц.Гонгор агсны нэрэмжит 20 хүртэлх насны залуучуудын улсын аварга шалгаруулах үндэсний бөхийн барилдаан Дархан-Уул аймагт зургаа дахь жилдээ амжилттай зохион байгуулагдаж, аваргуудаа тодрууллаа. УАШТ-д 60 гаруй залуу хүчтэн тойргийн журмаар өрсөлдсөнөөс Дархан-Уул аймгийн Хонгор сумын харьяат, улсын хошой аварга, аймгийн заан Р.Омар түрүүллээ.

   Харин Өмнөговь аймгийн Ноён сумын харьяат, сумын заан О.Сумьяабазар үзүүрлэж, Завхан аймгийн Эрдэнэхайрхан сумын харьяат, өсвөр үе, залуучуудын улсын дөрвөн удаагийн аварга, аймгийн заан Д.Нарантулга гуравдугаар байрт орлоо.

   Залуучуудын УАШТ-ий тусгай шагнал “Уран барилдаант бөх”-ийн шагналыг У.Мөнгөншагай, “Өсөх- Ирээдүйтэй бөх”-ийн шагналыг Д.Мөнх-Отгон нар хүртэв.

   УИХ-ын гишүүн Б.Жавхлангийн нэрэмжит шагналыг А.Сумъяабазар, Ч.Өлзийнаран нар авлаа. Багийн дүнгээр тэргүүн байрт БХЯ-ны зэвсэгт хүчний «Алдар» спорт хороо, хоёрдугаар байрт  Дархан-Уул аймгийн Биеийн тамир, спортын газар, гуравдугаар байрт “Эв Монгол” клуб тус тус шалгарлаа.

 


Үндэсний бөхийн залуучуудын улсын аварга өндөрлөв
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188