Хүнс, хөдөө аж ахуй хөнгөн үйлдвэрийн яамнаас хаврын тариалалтын бэлтгэл ажлын талаар мэдээлэл өглөө. Энэ хавар нийт 530.3 мянган га талбайд тариалалт хийхээр болжээ.

Үүнд:

• 389.3 мянган га талбайд талбайд үр тариа
•  17.9 мянган га талбайд төмс
• 9.6 мянган га талбайд хүнсний ногоо
• 66.5 мянган га талбайд малын тэжээл
• 40.0 мянган га талбайд тосны ургамал
• 7.0 мянган га талбайд жимс жимсгэнэ нийт 530.3 мянган га талбайд тариалалт хийнэ.

Ургац хураалтын дүнгээр 495.6 мянган тонн үр тариа, үүнээс 471.5 мянган тонн улаанбуудай, 222.4 мянган тонн төмс, 116.1 мянган тонн хүнсний ногоо, 170.1 мянган тонн малын тэжээл, 26.4 мянган тонн тосны ургамал, 3.0 мянган тонн жимс, жимсгэнэ тус тус хураан авч, 360.2 мянган га талбайд уринш боловсруулж бэлтгэх зорилт тавиад байна.
 
Улаанбуудайн үрийн хангамжийг бүрдүүлэх зорилгоор үр импортлын зөвшөөрөл авсан гурван аж ахуйн нэгжтэй Хөдөө аж ахуйг дэмжих сангаар дамжуулан 12.0 мянган тонн улаанбуудайн үр нийлүүлэх гэрээ байгуулсан. Өнөөдрийн байдлаар ОХУ-аас 900 тонн улаанбуудайн үрийг Хөдөө аж ахуйг дэмжих сангийн Хөтөл салбарт хүлээн аваад байна. Мөн дахин 3380 тонн үр хүлээн авна. Түүнчлэн тариалан бүхий аж ахуйн нэгж, иргэд арвайны үр 500 тонн, хошуу будааны үр 650 тонныг тус тус импортоор аваад байна.