УОК, Засгийн газрын шийдвэрээр хоёрдугаар сарын 23-нд хөл хорионы хатуу дэглэмийг цуцалж, амьдралын хэвийн горимд шилжсэн. Ингэснээр эдийн засгаа чөлөөлөх зорилгын хүрээнд аж ахуйн нэгж байгууллагын 95 хүртэлх хувийн үйл ажиллагааг нээгээд байгаа билээ. Тэгвэл өнөөдөр Ерөнхий Л.Оюун-Эрдэнэ “Нарантуул” худалдааны төвийн нөхцөл байдалтай танилцлаа.

Энэ үеэр худалдаа эрхлэгчдийн зүгээс микро үйлчилгээнд явахгүй, автобус ганцхан чиглэлд явж байгаа учир борлуулалт муу, Нарантуул захын худалдаа хаагдмал байна гэдгээ илэрхийлж, хилээ нээж, валютын ханшийг тогтворжуулахыг Ерөнхий сайдаас хүслээ. Харин Засгийн газраас аж ахуйн нэгж байгууллагууд халдвар хамгааллын дэглэмээ сайтар баримталж, халдварын тархалтыг бүрэн хумьж чадвал улсын хилээ нээхээр төлөвлөж байгаа аж. Ерөнхий сайд Л.Оюун-Эрдэнэ “Халдвар хамгааллын дэглэмээ сайтар барихгүй бол буцаад хаагдах нөхцөл байдал үүснэ. Аль аль нь эрсдэлтэй зоримог шийдвэр гаргаад явж байгаа учир хичээгээрэй” гэлээ.

Холбогдох мэргэжилтний хэлснээр коронавирусийн халдварын 33 шинэ голомтыг хумиад байгаа аж. Түүнчлэн Эрүүл мэндийн яамнаас “Нэг хаалга-Нэг шинжилгээ” арга хэмжээний нэгдсэн арга хэмжээний нэгдсэн хариуг гаргаж, Засгийн газарт танилцуулаад байгаа аж. Тус арга хэмжээний хүрээнд коронавирусийн 176 шинэ тохиолдлыг илрүүлээд байна.