Солонгос Улсад ажиллаж, амьдарч байгаа монгол иргэдийг вакцинжуулалтад үнэ төлбөргүй хамруулахаар болжээ. Энэ талаар Гадаад харилцааны сайд Б.Батцэцэг “Солонгос Улсад өнөөдөр вакцинжуулалт эхэлж байгаа. Тус улсад хуулийн дагуу болон хууль бусаар ажиллаж, амьдарч байгаа монгол иргэдээ ялгахгүйгээр вакцинжуулалтад үнэ төлбөргүй хамруулах шийдвэр гарсан.

БНСУ-д манай улсын 42 мянган иргэн ажиллаж, амьдарч, суралцаж байна

Бүх улс хамгийн түрүүнд зорилтот бүлгийн буюу эмнэлгийн байгууллага, цагдаа, онцгой байдлын албан хаагчдаа вакцинжуулж байгаа. Тиймээс тухайн улсад суугаа монгол иргэдийг хэзээ дархлаажуулах талаар тодорхой хугацаа гараагүй байна” гэв.