Гадаад харилцааны яамнаас нутагтаа ирэх хүсэлтэй иргэдээ татан авах болон тийзийн үнийг бууруулах асуудлаар өнөөдөр мэдээлэл хийлээ. Энэ үеэр Гадаад харилцааны сайд Б.Батцэцэг иргэдээ татан авах ажлын хүрээнд тусгай үүргийн нислэгийн дөрөвдүгээр сарын төлөвлөгөө боловсруулж, агаарын хилийг цаашид шат дараатай нээх талаар хэлсэн. Тэрбээр “Казахстанд байгаа иргэдийг хоёрдугаар сарын 27, Унгар Улсад суралцаад төгссөн оюутнуудыг ар гэрийнх нь хүсэлтийн дагуу гуравдугаар сарын 3-нд "Хүннү Эйр" компанийн тусгай үүргийн нислэгээр авч ирэхээр болсон.

Гуравдугаар сарын сүүлээр Солонгосын агаарын тээвэрлэгчийг хүлээн авахаар төлөвлөж байна

Гадаад харилцааны яамнаас нутаг буцах хүсэлтэй иргэдийг татан авах тусгай үүргийн нислэгийн дөрөвдүгээр сарын төлөвлөгөөг боловсруулахын зэрэгцээ агаарын хилийг цаашид шат дараатай нээх, тогтмол хуваарьт нислэг үйлдэх, гадаадын агаарын тээвэрлэгчийн нислэгийг сэргээх яриа хэлэлцээр хийж байна. Энэ хүрээнд эхний ээлжинд гуравдугаар сарын сүүлээр Солонгосын агаарын тээвэрлэгчийг хүлээн авахаар төлөвлөж байгаа” гэв.