2025 оны дөрөвдүгээр сард Улаанбаатар хотоос 1000 гаруй километрийн зайд орших Баянхонгор аймагт найм дах Magic Box номын сан албан ёсоор нээлээ.

Magic Box төсөл нь өдөр бүр 30-60 хүүхэд үнэ төлбөргүй үйлчилж, ном уншиж, суралцаж, тоглох, нийгэмших хэрэгцээг нээж өгөх зорилттой. Одоогоор Magic Box контейнер номын сангийн хамт олон найман контейнер номын сангаараа нийт 90 мянга гаруй хүүхдэд хүрч ажиллажээ.

Номтой нөхөрлөсөн хүүхэд ирээдүйгээ гэрэлтүүлдэг

Яагаад хүүхэд багаасаа унших ёстой вэ?

Эдинбургийн Их Сургууль болон Кингс Коллеж Лондонгийн 2018 оны судалгаагаар

• Долоон настайдаа унших дуртай болсон хүүхдүүд ирээдүйд оюуны хөгжил, суралцах чадвараараа илт давуу гарсан байна. Энэ нөлөө нь эцэг эхийн боловсрол, орлогоос ч илүү хүчтэй байсан.
• 500 ба түүнээс дээш тооны номтой гэр бүлд өссөн хүүхдүүд дунджаар 3 жилийн илүү боловсрол эзэмшдэг бөгөөд, энэ нь тэдний ажлын амжилт, орлого өсөхөд шууд нөлөөлдөг. (Evans, Kelley, Sikora & Treiman, 2010)

Их Британийн Үндэсний Бичиг үсгийн Төвийн судалгаагаар:

• Ном унших дуртай хүүхдүүд сэтгэлзүйн сайн сайхан байдлаар гурав дахин өндөр оноо авдаг.
• Уншдаг хүүхдүүдийн стресс багасаж, өөртөө итгэх итгэл нэмэгддэг.

OECD-ийн PISA судалгаа харуулснаар:

• Хүүхдийн унших дуртай байх нь түүний боловсролын амжилтад гэр бүлийн орлого, нийгмийн байдлаас ч илүү нөлөөлдөг гол хүчин зүйл юм.
• Уран зохиол уншдаг хүүхдүүд бусадтай илүү сайн харилцдаг, бусдын сэтгэл хөдлөлийг ойлгох чадвар өндөртэй байдаг. (Child Development сэтгүүл, 2021)

Ном унших хүүхдийн ирээдүйг өөрчилдөг. Magic box төслийн хамт олон орон нутгийн хүүхдүүдэд унших боломжийг тэгш хүргэх, ирээдүйн Монголыг уншдаг, боддог, бүтээдэг болгох зорилготой ажиллаж байна.

"Та дараагийн Magic Box-ыг дэмжиж боломжтой юу?"