Хөвсгөл аймгийн төвөөс баруун хойд зүгт 200 километрт Ханх сумын баруун урд зүгт 30 километрийн зайд нэгдүгээр сарын 12-нд зургаан удаагийн газар хөдлөлт болж, иргэдэд хүчтэй мэдрэгдлээ. Энэ талаар Онцгой байдлын ерөнхий газраас тодруулахад “Газар хөдлөлт нь  Улаанбаатар хотын төвөөс 1000 орчим км-ийн зайд болсон ч газар хөдлөлтийн чичирхийлэл Булган, Орхон, Сэлэнгэ, Хөвсгөл аймаг, нийслэлийн оршин суугчдад хүчтэй мэдрэгдсэн.  Улаанбаатар хотод 4-6 баллаар буюу унтаж байсан иргэд сэрсэн, гэрлийн бүрхүүл чичирхийлж савласан гэх зэргээр мэдрэгдсэн ч хохирол учраагүй байна. Улаанбаатар хотын станц дээр мэдрэгдээгүй учир дуут дохио өгөх боломжгүй. Харин мэдрэгдсэн тохиолдолд минутын дотор урьдчилан мэдэгдэж тохиолдол дуугарна. Газар хөдлөлтийн чичирхийлэлт давтамжтай байдаг. Ханх сумын газар хөдлөлт зургаан удаагийн давтамжтай мэдрэгдсэн” гэлээ.

Монгол Улсад 30 жилийн өмнө буюу  1991 оны арванхоёрдугаар сарын 27-ны өдөр Хөвсгөл аймгийн Цагааннуур сумын Бүсийн гол гэдэг газарт 6.5 магнитудтай хүчтэй газар хөдлөлт болсон хэмээн Одон орон геофизикийн хүрээлэнгээс мэдээлсэн байна.