Сүүлийн 24 цагийн хугацаанд Улаанбаатар хотод 41 шинэ тохиолдол бүртгэгдлээ. Үүнээс “Ачтан-Элит клиник” эмнэлгийн голомттой холбоотой 16 батлагдсан тохиолдол нь  бүртгэгдсэн байна. “Анх энэ сарын 4-нд тус эмнэлэгт коронавирусийн голомт бүртгэгдсэн. Тус эмнэлгийн есөн эмч, ажилчдаас халдварт илэрсэн талаар өчигдөр мэдээлсэн. Тиймээс ажилчдын гэр бүлийнхэн болон хамт ажилладаг хүмүүс болох ойрын хавьтлыг шинжилгээнд хамруулж тандалт судалгаа хийсэн. Гэр бүлийн хавьтлаас коронавирус илэрсэн. Эмнэлгийн эмч, ажилчдыг тусгаарлан ажиглаж, эхний шинжилгээг авч байна. Мөн арванхоёрдугаар сарын 15-наас хойш “Ачтан-Элит клиник” эмнэлэгт хэвтэн эмчлүүлсэн, үйлчлүүлсэн иргэд гэрийнхээ ойролцоох түргэн оношилгооны цэгүүдэд шинжилгээ өгөөрэй" гэж  ХӨСҮТ-ийн Тандалт, судалгааны албаны дарга А.Амбасэлмаа анхааруулав.