Өнгөрсөн 24 цагийн хугацаанд 41 хүнээс коронавирус илэрлээ. Ингэснээр Монгол Улсын хэмжээнд бүртгэгдсэн нийт тохиолдлын тоо 1349 боллоо. Эрүүл мэндийн яамны Ахлах шинжээч Д.Нарангэрэл “Өнөөдрийн байдлаар 887 хүн эдгэрсэн. 451 хүн эмнэлэгт хэвтэн эмчлүүлж байна.  ЗӨСҮТ-ийн хариу арга хэмжээний баг өчигдөр 17 объектын 11681 ам метр талбайд голомтын эцсийн халдваргүйтгэл хийлээ. Мөн тус төвийн Авто лаборатори Өмнөговь аймгийн Гашуунсухайт боомтод ажиллаж, уртын тээврийн 49 жолоочид шинжилгээ хийхэд коронавирус илрээгүй. Түүнчлэн НЭМҮТ-өөс коронавируст халдварын идэвхтэй харуулдан тандалт хийж буй. Уг харуулдан тандалтаар эрсдэлт бүлгийн хүн амаас гадна нийтийн тээвэр, такси, банк, худалдааны үйлчилгээний байгууллагын ажилчдыг хамруулж байгаа" гэлээ.