Эрүүл мэндийн яамнаас коронавирусийн тархалтын талаарх ээлжит мэдээллээ хийлээ. Энэ үеэр ХӨСҮТ-ийн Тандалт, судалгааны албаны дарга А.Амбасэлмаа “Өнгөрсөн 24 цагийн хугацаанд 16377 хүнд PCR шинжилгээ хийснээс 41 хүнд коронавирусийн халдвар илэрлээ. Ингэснээр улсын хэмжээнд бүртгэгдсэн халдварын тохиолдол 1349 боллоо.  Шинэ халдварууд бүгд Улаанбаатар хотод бүртгэгдсэн бөгөөд үүнээс таван тохиолдол нь ХӨСҮТ-ийн ажилтан. Бусад нь голомтлон гарсан халдварын ойрын болон дам хавьтлууд байна. "Ачтан-Элит клиник" эмнэлэгтэй холбоотой 16 тохиолдол бүртгэгдсэн. Мөн "Тэнүүн-Огоо" компанийн таван жолооч, Үндэсний цэцэрлэгт хүрээлэнгийн хоёр хүн, бусад тохиолдлууд нь Баянзүрх дүүргийн эмнэлгийн гэр бүлийн хавьтлууд зэрэг тусгаарлагдсан хүмүүсээс илэрсэн" гэв.