Улаанбаатар хотод “Ковид-19”-ийн халдвар олон нийтийн дунд тархах эрсдэл өндөр байна. Тухайлбал, өнөөдөр  шинэ голомт үүсч “Ачтан-Элит клиник” эмнэлгийн есөн  эмч, ажилтнаас коронавирус  илэрсэн. Тиймээс арванхоёрдугаар сарын 15-наас хойш тус эмнэлгээр үйлчлүүлсэн иргэдийг заавал шинжилгээ өгөхийг ЭМЯ-наас  анхааруулсан билээ.

Үүний дараахан Баянгол дүүргийн X хорооллын 12 дугаар байрны V орцыг хамгаалтад авсан гэх мэдээлэл цахим орчинд тархсан юм. Энэ талаар Баянгол дүүргийн Шуурхай штабаас тодруулахад “БГД-ийн III хорооны 30В байрны IV орц, XIX хороо 52 дугаар байрны нэгдүгээр орц, VII хороо 89 дүгээр байр,  VI хороо 51 дүгээр байрны хоёрдугаар орц,  65 дугаар байр, 53 дугаар байр  болон 12 дугаар байрны V орцыг хамгаалтад авсан. ХӨСҮТ-ийн явуулын шинжилгээ авах баг ирж, иргэдээс шинжилгээ авна. Эдгээр байранд “Ачтан-Элит клиник” эмнэлгийн ажилтнууд оршин суудаг гэх мэдээлэл  ирээгүй байна. Би өдөр НОК-оос утсаар лавлаж асуухад “Шинжилгээ авах үйл ажиллагаа үргэлжилж байна. Одоогоор тодорхой мэдээлэл өгөх боломжгүй байна” гэсэн. Тус хамгаалалтаар хэчнээн өрхийн хэдэн иргэнийг тусгаарлаж байгааг одоо нэгтгэж байна. Үүний дараа дэлгэрэнгүй мэдээлэл өгөх боломжтой” гэлээ.