Орхон аймагт коронавируст халдварын анхны тохиолдол арваннэгдүгээр сарын 17-нд бүртгэгдэж, хамгийн сүүлийн тохиолдол  өнгөрсөн сарын 7-нд бүртгэгдсэнээс хойш 29 хоногт шинээр халдвар бүртгэгдээгүй байна.

Орхон аймгийн Баян-Өндөр сумын  Баянцагаан багийн нутаг дэвсгэрт арваннэгдүгээр сарын 17-26-ны хооронд халдварын батлагдсан 22 тохиолдол нь төмөр замын ажилчдын дунд гарсан кластер голомттой холбоотой  хоёр ажилтан болон түүний ойрын хавьтлуудын дунд бүртгэгдсэн байна.Тандалтын зорилгоор арваннэгдүгээр сарын 17-27-ны өдрүүдэд 16595 хүнд түргэвчилсэн тестээр, 1487 хүнд PCR шинжилгээ хийхэд халдвар илрээгүй байна.

Вируслогийн лабораторид Био аюулгүйн кабинет  суурилуулан "PCR"-ын шинжилгээг орон нутагт арваннэгдүгээр сарын 17-ноос хийж эхэлжээ. Түргэвчилсэн оношлуураар 36498, PCR-ийн шинжилгээнд 14651 иргэн, нийт 51149 хүн амын тал хувийг хамруулан тандалт явуулсайн байна. Түүнчлэн Эрүүл мэндийн газарт эрсдэл, хариу арга хэмжээ, эмнэлзүй, нөөц хангалт, сэтгэлзүйн, хүний нөөцийг багуудыг томилон ажиллуулж эрсдэлийн үнэлгээг зургаан  удаа хийжээ.

Баянзүрх дүүрэгтэй холбоотой 77 иргэнийг "PCR" -ын шинжилгээнд хамруулахад бүгд сөрөг гарсан байна. Тус аймагт халдвар зөөвөрлөгдөн тархахаас сэргийлэх, эрсдэлт бүлгийн хүн амыг тандах, хянах, бэлэн байдлыг хангах ажлууд төлөвлөлтийн дагуу явагдаж байна.