Өнгөрсөн 24 цагийн хугацаанд ЗӨСҮТ, ХӨСҮТ-ийн болон орон нутгийн вирус судлалын лабораториуд нийт 13621 хүнд коронавирусийн шинжилгээ хийсэн. Шинжилгээний хариугаар 23 хүнээс халдвар илэрчээ. Ингэснээр улсын хэмжээнд батлагдсан тохиолдол 1286 боллоо. Харин өнөөдрийн байдлаар есөн хүн эдгэрч эмнэлгээс гарсан байна. Ингэснээр манай улсад коронавирусийн халдвартай 877 хүн эдгэрч, 398 хүн эмчлэгдэж байгаа юм. Тэднийг биеийн байдлаар ангилан үзвэл, хөнгөн 292, хүнд ес, хүндэвтэр 125, маш хүнд хоёр хүн байна гэж ХӨСҮТ-ийн Тандалт, судалгааны албаны дарга А.Амбасэлмаа мэдээллээ.