Сүүлийн 24 цагийн дотор зургаан хүн эдгэрч эмнэлгээс гарсан байна. Өнөөдөр 11:00 цагийн байдлаар манай улсад бүртгэгдсэн коронавирусийн 1215 тохиолдол бүртгэгджээ. Үүнээс 830 тохиолдол эдгэрсэн байна.

Харин өнөөдрийн байдлаар 375 хүн эмчлэгдэж байна. Эмчлэгдэж байгаа хүмүүсээс хоёр хүний биеийн байдал маш хүнд, долоон хүний биеийн байдал хүнд, 99 хүний биеийн байдал хүндэвтэр, 267 хүний биеийн байдал хөнгөн хэлбэрийн байгааг ХӨСҮТ-ийн Тандалт судалгааны албаны дарга А.Амбасэлмаа хэллээ.