ЭМЯ-наас коронавирусийн тархалтын талаарх ээлжит мэдээлэл хийлээ. Энэ үеэр ХӨСҮТ-ийн Тандалт, судалгааны албаны дарга А.Амбасэлмаа “Өнгөрсөн 24 цагийн хугацаанд 13597 хүнд шинжилгээ хийхэд 20 хүнээс халдвар илэрлээ. Үүнэээс 16 тохиолдол нь БЗД-ийн нэгдсэн эмнэлгийн голомтоос илэрсэн. Ингээд тус голомтоос гарсан тохиолдол 260 боллоо. Франкфуртын онгоцоор ирсэн хоёр хүнээс гуравдахь шинжилгээгээр халдвар илэрсэн. Үлдсэн хоёр нь ХӨСҮТ-ийн ажилчид байсан. Мөн “Тэнүүн огоо” компанийн нэг ажилчнаас халдвар илэрсэн. Ингээд тус компанийн гурван ажилтнаас халдвар илэрлээ. Одоогийн байдлаар тус компанийн 200 хүнээс шинжилгээ авч байна. Тус иргэн шатахуун түгээгчийн ажил хийдэг. Тэрбээр энэ сарын 21-нд ажилдаа яваад түүнээс хойш тусгаарлалтад байсан" гэлээ.