Нийслэлийн Энэрэл эмнэлэг нийт ажилчдын нийгмийн асуудлын судалгааг нарийвчлан хийж, ажлын үзүүлэлт, харилцаа хандлагаар хамт олноо манлайлан ажиллаж буй хоёр ажилтандаа давхар туургатай, таван ханатай өргөө цагаан гэр гардуулан өглөө.

Тус эмнэлэгт олон жил ажиллаж буй сувилагч, сантехникч хоёртоо гэнэтийн бэлэг барьж, шинэ оны босгон дээр өргөө цагаан гэртэй болгосон нь нийт эмч, ажилчдын талархлыг хүлээсэн баярт мөч байлаа.

Нийслэлийн Энэрэл эмнэлэг 2020 оны ажлын үзүүлэлтээрээ “Нийслэлийн шилдэг эрүүл мэндийн байгууллага”-ын хоёрдугаар байрт шалгарсан байна. Нийслэлийн Засаг даргын захирамжийн дагуу нийслэлийн Эрүүл мэндийн газраас зохион байгуулдаг тус шалгаруулалтаар авсан мөнгөн дүнгийн урамшууллаа эмч, ажилчдынхаа нийгмийн асуудлыг шийдвэрлэхэд зарцуулж, ажилтнууддаа тодорхой хэмжээний мөнгөн урамшуулал олгожээ.