Баян-Өлгий аймгийн 0165 дугаар ангид тус аймгийн Буянт сумаас очсон цэрэг нас барсан харамсалтай хэрэг гарчээ. Энэ талаар ХХЕГ-ын мэргэжилтнээс тодрууллаа. Тэрбээр “Баян-Өлгий аймгийн 0165 дугаар ангид алба хаахаар очсон Буянт сумын 19 настай иргэн нас барсан байна. Тус иргэн цэргийн ангид ирээд хоёр хонож байсан учир цэргийн хувцсаа хүлээж, бэлтгэлдээ бүрэн ороогүй байжээ. Талийгаач өчигдөр орой хоолоо идчихээд унтсан боловч өглөө нь бурхан болсон байсан гэнэ. Түүнийг ямар шалтгааны улмаас нас барсан болохыг шүүх, шинжилгээний байгууллагаас тогтооно” гэлээ.