2023 оны  дөрөвдүгээр сард улсын хэмжээнд 201.652 зөрчлийн хэрэг бүртгэгдсэн. Энэ нь гуравдугаар сартай харьцуулахад 25.5%-иар буурсан үзүүлэлттэй байна. Зөрчил шалган шийдвэрлэх ажиллагаа явуулсан нийт хэргийн 96.1 хувийг Цагдаагийн байгууллага, 0,09 хувийг Гаалийн байгууллага, 0,08 хувийг Татварын байгууллага, 0,09 хувийг Гадаадын иргэн, харьяатын газар, 0,04 хувийг Онцгой байдлын газар, 3,3 хувийг бусад байгууллагын эрх бүхий албан тушаалтнууд шалгаж шийдвэрлэсэн байна.

         Улсын хэмжээнд өнгөрөгч дөрөвдүгээр сард 193.967 хүн, 412 хуулийн этгээдэд зөрчил шалган шийдвэрлэх эрх бүхий албан тушаалтан болон шүүхээс Зөрчлийн тухай хуульд зааснаар шийтгэл оногдуулсан. Өмнөх сараас шийтгэл оногдуулсан хүн 26.3 хувиар, хуулийн этгээд 3.33 хувиар тус тус буурчээ.

        Зөрчил үйлдсэн хүмүүсийн 77,2 хувь нь эрэгтэй, 64,7 хувь нь 26-45 насны хүмүүс байна. Дөрөвдүгээр сард үйлдэгдсэн зөрчлийг гуравдугаар сартай харьцуулахад Нийгмийн даатгалын тухай хууль зөрчих зөрчил 17 хувиар, Татварын хууль зөрчих зөрчил болон Төрийн албан тушаалтны шийдвэрийг үл биелүүлэх, үйл ажиллагаанд нь саад учруулах зөрчил тус бүр 18.9 хувиар өссөн байна.

           Харин Гэр бүлийн хүчирхийлэлтэй тэмцэх тухай хууль зөрчих зөрчил 43.2 хувиар, Хүүхдийн эрхийг зөрчих зөрчил 38.2 хувиар, Гаалийн тухай хууль зөрчих зөрчил 19.4 хувиар, Замын хөдөлгөөний аюулгүй байдлын тухай хууль зөрчих зөрчил 27.9 хувиар тус тус буурчээ.