• Өнөөдөр 2025-04-26

ХЭҮК-оос Нийслэлийн ерөнхий боловсролын 116 дугаар сургуульд шалгалт хийлээ

2023-05-06,   505

        ХЭҮК-ын гишүүн Г.Нарантуяа, Судалгаа, дүн шинжилгээ, хяналт шалгалтын хэлтсийн дарга Д.Ёндонжамц, ахлах референт Б.Мөнх-Эрдэнэ, референт Д.Ариунбилэг, мэргэжилтэн Л.Мөнхтулга нар Нийслэлийн ерөнхий боловсролын 116 дугаар сургуулийн сурагчдын сурч боловсрох, халдашгүй, чөлөөтэй байх, хүнлэг бус, хэрцгий харьцаа, шийтгэлээс ангид байх эрхийн нөхцөл байдлыг 2023 оны тавдугаар сарын 4, 5-ны өдрүүдэд шалгалаа.
 
          Шалгалтын явцад хөндлөнгийн шинжээчээр П.Оюунбаяр ажилласан бөгөөд сурагчдын сурах бичиг үг, үсгийн алдаатай, хэвлэлийн стандарт хангалтгүй, номын сан дахь хичээлийн холбогдолтой ном, сурах бичиг хадгалалтын шаардлага хангахгүй, сургууль, дотуур байранд харааны бэрхшээлтэй хүүхдэд зориулсан орчныг бий болгосон байдал дутмаг байгаа талаар дүгнэсэн.
 
          Тухайлбал, хичээлийн хуваарь, сургуулийн 1, 2, 3 дугаар давхрын шатны эхлэл, төгсгөл, анги, танхим, багш ажилтны өрөө тасалгааг заасан тэмдэглэгээ, хаягжилтыг брайль үсгээр хийгээгүй байв.
 
           Тус сургуульд 2022-2023 оны хичээлийн жилд харааны бэрхшээлтэй (сул болон тэг хараатай) 129 хүүхэд суралцаж, нийт 72 багш, ажилтны бүрэлдэхүүнтэй үйл ажиллагаа явуулж байна. 
 
          Шалгалтын бүрэлдэхүүн тус шалгалтын урьдчилсан дүнг 2023 оны тавдугаар сарын 5-ны өдөр сургуулийн нийт алба хаагчдын хуралд танилцуулж, нэн даруй авах арга хэмжээний талаар зөвлөв. 
 
              Шалгалтын дүнг тавдугаар сарын 15-ны дотор эцэслэн гаргаж, сургуулийн удирдлага, эрх бүхий холбогдох байгууллага болон олон нийтэд танилцуулна. 
 

ХЭҮК-оос Нийслэлийн ерөнхий боловсролын 116 дугаар сургуульд шалгалт хийлээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.