Сар  өнөөдөр хиртэнэ гэсэн мэдээллийн дагуу бид Одон орон судлалын эрдэм шинжилгээний ажилтан Б.Батбаяраас тодрууллаа. Тэрбээр “Жилд хоёроос таван удаа сар хиртдэг. Энэ жилийн хоёр дахь сар хиртэлт өнөө шөнө тохионо. Улаанбаатарын цагаар 23:14 минутад эхэлж, тавдугаар сарын 6-ны 3:31 минутад дуусна. Нийт дөрвөн цаг 18 минут үргэлжлэх ба оргил үе нь тавдугаар сарын 6-ны  1:22 минутад болно. Улаанбаатар Одон орон судлах оргилын байршлаар хиртэлтийн хугацааг тооцсон. Дэлхий сүүдэрт орсон тохиолдолд сар хиртэлт болдог” гэв.