Нийслэлийн хэмжээнд 2023 оны нэгдүгээр ээлжийн цэрэг татлага энэ сарын 5-7-ны өдрүүдэд болохтой холбогдуулан Сүхбаатар дүүргийн Цэрэг татлагын товчоо өнөөдөр хуралдлаа.

     Хуралд Сүхбаатар дүүргийн Цэрэг татлагын товчооны даргын албан үүргийг түр орлон гүцэтгэгч Төрийн захиргааны удирдлагын хэлтсийн дарга В.Гомбодорж, Цэргийн штабын дарга, хурандаа Н.Гантөмөр, хорооны Засаг дарга нар, “Сүхбаатар” Эрүүл мэндийн төвийн эмч мэргэжилтнүүд Цагдаагийн газрын албан хаагчид болон цэрэг татлагын товчооны нийт бие бүрэлдэхүүн оролцлоо.

    Хурлын эхэнд Цэрэг татлагын товчооны даргын албан үүргийг түр орлон гүйцэтгэгч В.Гомбодорж цэрэг татлага зохион байгуулах байрны бэлтгэл ажил, бэлэн байдлыг шалгасны дараа нийт бие бүрэлдэхүүнд үүрэг даалгавар өглөө.

     Цэрэг татах үйл ажиллагааг явуулахдаа зохих хууль, журмын хүрээнд өндөр хэмжээнд зохион байгуулах, байрны орчинд нийгмийн хэв журмыг сахиулах, аливаа зөрчлөөс урьдчилан сэргийлэх, цэрэг тээвэрлэх тээврийн хэрэгслийн хөдөлгөөнийг зохицуулах, цэргийн албанд татагдсан иргэдийн эрүүл мэндийн үзлэг шинжилгээнд онцгой анхаарч ажиллах, үйл ажиллагаатай холбоотой дүн мэдээг тогтоосон хугацаанд нийслэлийн Цэрэг татлагын товчоонд хүргүүлж ажиллахыг даалгалаа