Цагдаагийн байгууллагад дөрөвдүгээр сарын 28-нд Сонгинохайрхан дүүргийн 39 дүгээр хороо, ... тоотод “Хүн нас барсан байна” гэх дуудлага, мэдээлэл бүртгэгдсэн байна. Дуудлага, мэдээллийг тус дүүргийн цагдаагийн газрын гуравдугаар хэлтсээс шалгахад 58 настай, эрэгтэй зодуулсан байдалтай амиа алдсан байжээ.  Цагдаагийн байгууллагаас мөрдөн шалгах ажиллагааг шуурхай зохион байгуулж, түүний амийг хамтран амьдрагч 37 настай эмэгтэй согтуурсан үедээ хохироосныг илрүүлэн мөрдөн шалгах ажиллагааг үргэлжлүүлж байна. Иймд иргэд та бүхэн архи, согтууруулах ундаа хэтрүүлэн хэрэглэхгүй байх, хэрэглэсэн үедээ хэрүүл маргаан үүсгэхгүй байж гэмт хэрэг, зөрчилд өртөж хохирох, холбогдохоос урьдчилан сэргийлэхийг цагдаагийн байгууллагаас анхааруулж байна.