“Фэйсбүүк” сүлжээгээр “10 хүн урамшуулалд хамруулна” гэх утга бүхий зар байршуулж, зарын дагуу холбогдсон иргэдийн утасны дугаарыг авч, цахим хаяг руу нь хууль бусаар нэвтэрч, хохирогчийн нэрийг барьж, “Фэйсбүүк”-ийн найзууд руу нь чат бичиж, залилдаг этгээдийг цагдаагийн байгууллагаас илрүүлжээ.

Тодруулбал, тус этгээдэд холбогдох 180 орчим хэрэг байгаа бөгөөд бусдаас 230 сая төгрөг залилж, залилсан мөнгөө цахим сайтын дансанд байршуулан түүнээсээ авч хэрэглэж байсныг нь тогтоосон байна. Одоогоор цахим дансанд нь байсан 60 орчим сая төгрөгийн битүүмжилж, шалгалт хийж байгаа аж.