Дархан-Уул аймгийн Дархан сумын есдүгээр багт орших суух М гэгч нь үлэг гүрвэлийн чулуужсан өндөг, яс, олон тоноы амьтдын чихмэл эд, эрхтэн зэрэг палеонтологийн ховор олдворыг бусдад худалдахаар бэлтгэж байсан хэргийг илрүүлж, мөрдөн шалгах ажиллагаа явуулж байна. Тухайлбал, палеонтологийн шинжилгээгээр иргэн М нь 15-30 мянган жилийн өмнөх үед хамаарах хөхтөн амьтан Савагт хирсийн чулуужсан яс, Цэрдийн галавын үе буюу 71-65 сая жилийн өмнөх үед хамаарах өвсөн тэжээлт нугас хошнуут, нугаламт зэрэг үлэг гүрвэлийн чулуужсан яс, Зэрлэг амьтан ба ургамлын аймгийн ховордсон зүйлийг олон улсын хэмжээнд худалдаалах тухай конвенцэд орсон матрын чимхэл, толгой, гавлын яс, тэнгисийн яст мэлхийн чих зэрэг соёлын биет өвд хамаарагдах олдворуудыг хууль бусаар эзэмшиж, бусдад худалдахаар төлөвлөж байжээ.

                   Энэ төрлийн гэмт хэрэгт Соёлын өвийг хамгаалах тухай хуулийн 25.5 дугаар зүйл “Соёлын биет өвийн хууль бус худалдааг зохион байгуулах, зуучлах”, мөн тус зүйл ангийн 1 буюу “Соёлын биет өвийн худалдааг хууль бусаар явуулсан, зуучилсан бол 5400-27000 нэгжтэй тэнцэх хэмжээний төгрөгөөр торгох, эсхүл 1-5 жил хүртэл хугацаагаар зорчих эрхийг хязгаарлах, эсхүл 1-5 жил хүртэл хугацаагаар хорих ял шийтгэнэ” гэж заасан байдаг аж.