Дорнод аймгийн Чойбалсан суманд гарсан түймрийн голомтод онцгой байдлын алба хаагчид нутгийн иргэдээс гадна Хилийн цэргийн 032 дугаар ангийн алба хаагчдыг дайчлан ажиллуулж байна. Түймэрт урьдчилсан байдлаар таван байшин, 14 өрхийн 16 гэр, 28 малын хашаа, зургаан пин, гурван  автомашин өртсөн бөгөөд түймрийн баруун болон баруун хойд талын тархалтыг зогсоож, зүүн хойд талыг унтраахаар ажиллаж байгаа талаар албаныхан мэдээлсэн.

     Тэгвэл түймэр унтраахаар ажиллаж байсан 032 дугаар ангийн найман алба хаагч түймэрт өртөж, түлэгджээ. Алба хаагчдын дөрвөн нь хүнд болон хүндэвтэр түлэгдсэн учир Улаанбаатар хот руу нисдэг тэргээр авч ирэхээр болсон бол  дөрвөн залууг Зүүн БОЭТ рүү тээвэрлэж байгаа аж.