Хөвсгөл аймгийн Галт сумын Зүрх багийн Дунд цагааны-Ам гэх газарт Идэр голын усанд зургаан зорчигчтой ачааны автомашин суусан тухай дуудлагыг тавдугаар сарын 1-ний өдрийн 6:01 цагт хүлээн авсан.

          Тус аймгийн Онцгой байдлын газрын Галт сум дахь Гал түймэр унтраах, аврах 76 дугаар ангийн алба хаагчдыг очиход Хөвсгөл аймгийн Мөрөн сумаас Галт сумын чиглэлд зургаан тонн хүнсний бүтээгдэхүүн тээвэрлэж явсан ЗИЛ-131 загварын ачааны автомашин Идэр голын усанд сууж, автомашины жолооч 28 настай иргэн Ц, 46 настай иргэн В, 42 настай Т, 34 настай Г, 25 настай Ю, дөрвөн настай Г нар автомашиныхаа бүхээг дээр гарсан байсан тул  аврах завь ашиглан иргэдийг аюулгүй газарт гаргаж, мөн өдрийн 11:18 цагт автомашиныг нь татан гаргасан.