Цагдаагийн байгууллагад энэ сарын 21-ний өдрийн 15:55 цагт Сэлэнгэ аймгийн Сайхан сумын хоёрдугаар багийн нутаг дэвсгэрт “Байшин шатаж байна” гэсэн дуудлага иржээ.

                    Дуудлагын дагуу тус аймгийн цагдаагийн газраас шалгахад иргэн Ч-ийн эзэмшлийн, хүн амьдардаггүй байшин шатаж байсан аж. Шалгалтын явцад тус суманд оршин суух долоон настай гурван хүүхэд гал тавьж, байшинг шатаасан болохыг тогтоосон бөгөөд шалгалтын ажиллагаа үргэлжилж байгаа юм байна.