Хан-Уул дүүргийн дөрөвдүгээр хорооны нутаг дэвсгэрт буюу “Хүннү Молл”-ын урд баригдаж буй нүхэн гарцанд хүүхэд унасан гэх мэдээлэл бий.  Тодруулбал, энэ сарын 12-ны 20:00 цагийн үед 13 настай хүү унаж, ГССҮТ-д хүргэгджээ. Энэ талаар тус нүхэн гарцыг барьж буй “Туулын гүүр далай” компанийн дотоод хяналт шалгалтын газрын дарга Э.Баярчулуунаас тодруулаа. Тэрбээр “Хоёр метрийн өндөр шатнаас унасан хүү ухаан орж, өчигдөр ГССҮТ-ийн төлбөртэй тасаг руу шилжсэн. 13 настай хүү ахтайгаа явж байгаад шатнаас унасан байна лээ. Манай компанийн ажилчид хогоо ачиж, асгачихаад ирэхийн хооронд дээрх осол болсон байсан. Одоогийн бид хүүгийн эмчилгээний зардалд мөнгө өгөөгүй байгаа. Хүү хоолондоо муу байгаа гэсэн” гэв.