Шударга өрсөлдөөн хэрэглэгчийн төлөө газраас сүлжээ дэлгүүрүүдэд шалгалт хийжээ. Энэ үеэр хэрэглэгчээс Номин сүлжээ дэлгүүртэй холбоотой гомдол ирсэн. Номин сүлжээ дэлгүүр хямд үнийг тогтооно гэж маркетингийн сурталчилгаа явуулдаг бөгөөд бараа нь ижил төстэй үйл ажиллагаа явуулдаг үйлчилгээний байгууллагаас хямд буюу ижил төстэй үнэтэй байх ёстой аж. Гэтэл Оргил худалдааны төвд 3650 зарагдаж байсан ундаа Номинд 3900 төгрөгийн үнэтэй байгааг худалдан авагч анзаарчээ. Энэ дагуу Номин сүлжээ дэлгүүрт гомдол гаргахад тухайн Номингийн зүгээс Оргил сүлжээ дэлгүүрийн тухайн ундааг 3900 болгон үнийг нь нэмэгдүүлэхээр болсон гэсэн хариу өгчээ. Үүний дараа хэрэглэгч ШӨХТГ-т гомдол гаргасан байна. 

       Номингоор дамжсан бараа бүтээгдэхүүн 30 хувийн нэмэгдэлтэй байдаг аж. Нийлүүлэгч талтай хийсэн "Хамтран ажиллах гэрээ"-ний зарим зүйл заалтууд нь өрсөлдөөнийг хязгаарлахад чиглэсэн бараа бүтээгдэхүүний хэлцэн тогтоох гэрээ, хэлцэл байгуулсан гэж үзэн Зөрчлийн тухай хуульд заасны дагуу өмнөх оны борлуулалтын орлогын зургаан хувьтай тэнцэх хэмжээний төгрөгөөр торгох шийтгэл оногдуулжээ. Ингэснээр Номин сүлжээ дэлгүүрийг 6,9 тэрбум төгрөгөөр торгосон байна.