Булган аймгийн Хишиг-Өндөр сумын Соёлын төвийн ажилчид Улаанбаатар хотод эрүүл мэндийн үзлэг, шинжилгээнд хамрагдахаар энэ сарын 9-нд сумаасаа гарч, замдаа осолджээ. Зам тээврийн ослын улмаас долоон настай хүүхэд газар дээрээ нас барсан гэх мэдээлэл бий. Энэ талаар тус сумын Засаг дарга Н.Мөнхгэрэлээс тодрууллаа. Тэрбээр “Манай сумын соёлын төвийн ажилчид Улаанбаатар хот рүү эрт илрүүлэг шинжилгээнд хамрагдахаар явсан. Ингэх замдаа осолд орж, долоон настай хүүхэд амиа алдсан. Нийт дөрвөн том хүн, гурван хүүхэд явсан. Осолд орсон зорчигчийн биеийн байдал ямар байгаа хэлж мэдэхгүй байна. Өмнө нь манай сумын эрүүл мэндийн салбарынхан үзлэгт орчихоор ирсэн” гэлээ.