Иорданы Амман хотод Азийн аварга шалгаруулах боксын тэмцээн үргэлжилж байна. Манай улсын таван тамирчин өчигдөр рингэнд гарахаас хамгийн түрүүнд 60 кг-ын жингийн Б.Буяндалай Узбекистаны тамирчин Адханжон Мухиддиновтой тулалдлаа. Манай тамирчин эхний үеийг алдсан ч үлдсэн үеүдэд итгэл төгс тэргүүлж, ялалт байгуулж, финалд шалгарлаа.

Б.Чинзориг Тайландын тамирчин Зүүн Өмнөд Азийн аварга Бунжонг Синсиритай 19:50 цагт тулалдана.

Х.Энмандах 23:15 цагт Узбекистаны тамирчин 2016 оны Риогийн Олимпын аварга Хасанбой Дусматовтой тулалдана.

Г.Лундаа 23:45 цагт Узбекистаны тамирчин 2021 оны Дэлхийн аваргын мөнгөн медальт Халаков Абмадуликтай тулалдана.

О.Бямба-Эрдэнэ 01:00 цагт Казакстаны тамирчин 2018 Азийн наадмын мөнгө, 2019 Армийн дэлхийн аварга Шимбергенов Асланбектэй тулалдана.