Иргэн Б нь өөрийн цахим хуудастаа “Гэмтэлийн эмнэлгийн түлэнхийн нөхөн сэргээх мэс заслын тасагт миний хүү Т, А нар нь шокын байдалтай хэвтэн эмчлүүлж байна. Нэг өдрийн эмчилгээний зардалд 150.000-200.000 төгрөг зарцуулж байгаа тул бидэнд туслаач” гэх  хуурамч зар оруулж, 291 иргэнийг хуурч, 3.567.000 төгрөг цуглуулжээ. Гэмтэл Согог судлалын үндэсний төвийн түлэнхийн нөхөн сэргээх тасгийн зохих албан тушаалтнууд энэхүү хуурамч нийтлэлийн талаар Цагдаагийн байгууллагад мэдэгдсэнээр тус гэмт үйлдлийг таслан зогсоож, прокуророос иргэн Б-г “залилах” гэмт хэрэгт холбогдуулан яллах дүгнэлт үйлдэн шүүхэд ирүүлсэн байна. Баянгол дүүргийн Эрүүгийн хэргийн анхан шатны шүүхээс шүүгдэгч Б-г амар хялбар аргаар мөнгө олох зорилгоор “иргэдийн бусдад туслах гэсэн өрөвч сэтгэлийг ашиглан хохирлыг учруулсан” залилах гэмт хэрэг үйлдсэн гэм буруутайд тооцож, 700 цаг нийтэд тустай ажил хийлгэх ялаар шийтгэжээ.