Монгол Улс Европын Холбооны Ойн түншлэлд нэгдсэн Ази тивийн анхны улс боллоо. Цаашид Европын холбооны 27 гишүүн оронтой Монгол улс ойн чиглэлд дараах чиглэлүүдээр хамтарч ажиллах аж. Гадаадын хөрөнгө оруулалтыг татах чиглэлээр хамтын ажиллагаа эхлүүлэхээр болжээ. Мөн ойг түшиглэсэн эдийн засгийн салбар, орлогын эх үүсвэр бий болгох, ажлын байрыг нэмэгдүүлэх, үйлдвэрлэлийг бий болгох, нэмүү өртөг шингэсэн бүтээгдэхүүн үйлдвэрлэхэд Европын техник технологийг ашиглаж, ойн хамгаалалтын бүсийг нэмэгдүүлэх, цөлжилт, ойн хомсдол, доройтлыг бууруулахаар  хамтран ажиллахаар болжээ. Үүнчлэн ой модыг нөхөн сэргээх, зохистой ашиглалт, хамгаалалтыг дэмжих чиглэлд хамтарч ажиллахаар болсон байна.