Улсын арслан Б.Орхонбаярт “Мон зул” группээс гурван өрөө байрны батламж гардууллаа.

    Энэ үеэр УИХ-ын гишүүн ч.Ундрам “Б.Орхонбаяр арслангийн цолны мялаалгаар бид батламж гардуулсан. Тэгээд “Саруул шилтгээн” гээд хотхонд гурван өрөө байрыг Б.Орхонбаяр арсланд өгнө гэсэн гарын үсэгтэй гэрээ хийнэ. Энэ байр ашиглалтад ормогц орох бүрэн боломжтой. Хамгийн гол нь гэрээгээ баталгаажуулаад, байрандаа ороход бэлэн болох гэрээ үзэглэж байна” гэв.  Харин Улсын арслан Б.Орхонбаяр “ “Мон зул” группын хамт олонд баярлалаа гэж хэлье. Өөрөө сонголтоо хийж авч байна. 77 мкв гурван өрөө байр байна. Бөх сонирхдог нийт Монголынхоо ард түмэнд баярлалаа гэж хэлье” гэв.