“ISKA” холбооны дэлхийн аварга шалгаруулах кикбоксын тэмцээний 65 кг-ийн жинд Чингэлтэй дүүргийн ОБХ-ийн Гал түймэр унтраах, аврах 10 дугаар ангийн гал унтраах автомашины жолооч, ахлагч О.Баярцэнгэл хүрэл медаль хүртлээ. Бүгд Найрамдах Турк улсын Анталя хотноо зохион байгуулагдаж байгаа тус тэмцээнд таван тивийн 31 орны 1000 гаруй тамирчин оролцож, аваргуудаа шалгаруулж байна.

      Ахлагч О.Баярцэнгэл нь Онцгой байдлын байгууллагад тав дахь жилдээ ажиллаж байгаа бөгөөд кикбокс, боксын спортоор хичээллэж, уралдаан, тэмцээнд тогтмол амжилттай оролцдог юм гэж НОБГ-ын Чингэлтэй дүүргийн Онцгой байдлын хэлтсээс мэдээллээ.