Засгийн газрын ээлжит хуралдаанаар гаргасан шийдвэрийг танилцууллаа. Энэ үеэр Засгийн газрын Хэрэг эрхлэх газрын дарга Д.Амарбаясгалан Он дуустал Эрдэнэс тавантолгой” ХК 500 сая ам.долларыг татан төвлөрүүлэх үүрэг хүлээсэн. Үүнтэй холбоотойгоор “ЭТТ” ХК-ийн бүрэн эрхт төлөөлөгч Засгийн газрын хуралдааны үеэр мэдээлэл өгсөн. “ЭТТ” ХК нь 16.6 их наяд төгрөгийн хөрөнгөтэй 3.3 их наяд төгрөгийн өртэй. Гэрээний урьдчилгаа байдлаа 2.2 их наяд төгрөг авсан гэх мэдээлэл бий. 82 гэрээгээр нүүрс борлуулдаг. “ЭТТ” ХК-д онцгой дэглэм тогтоож Боомтын сэргэлтийн үндэсний хороог өнгөрсөн долоо хоногт хуралдуулсан. Бүрэн эрхт төлөөлөгчийн зүгээс уртын болон дунд, богины тээврээр нүүрсний хэмжээг нэмэгдүүлэх талаар ярьж, албан даалгавар өгсөн. Цагаан хадан дээр буусан нүүрсийг хил гаргахад анхаарч ажиллана гэдгийг БНХАУ-ынхантай ярилцсан” гэлээ.