Сайжруулсан түлш худалдан авах эрхийн “Сайн” картыг дүүргүүдийн агаарын бохирдол хариуцсан мэргэжилтнээр дамжуулан олгодог болжээ. Ингэснээр сайжруулсан шахмал түлш худалдан авах картаа хаясан гээсэн болон шинээр авах картыг дүүргийн мэргэжилтэн олгох аж. Хэрвээ та “Сайн” картаа гээгдүүлсэн тохиолдолд хэрэглэгчийн төв 70119400-д хандаж картаа хаалгаарай.

Чингис хаан банкны 3401004344 тоот дансанд шинэ картын төлбөр болох гурван мянган төгрөг тушаана. Хүлээн авагчийн нэр: Тавантолгой түлш. Шилжүүлгийн утга: Овог, нэр, регистрийн дугаар бичнэ. Таван толгой түлш ХХК-ийн төв оффис Монгол Улс, Уланбаатар хот, Чингэлтэй дүүрэг, 1-р хороо, Жигжиджавын гудамж 8, "Эрдэнэс Тавантолгой" ХК-ийн Байр 121 тоотод байрлах "Мэдээллийн төв"-ийн ажилтанд мөнгө тушаасан банкны баримтаа үзүүлж, шинэ карт авах захиалга хийнэ. Шинэ картыг захиалсан өдрөөс гурав хоногийн дараа Даваа, Лхагва, Баасан гаригт "Тавантолгой түлш" компанийн төв оффисоос авна.

Хэрэглэгчид сайжруулсан шахмал түлшийг худалдан авахдаа “Сайн” нэртэй смарт карт ашиглана. Нэг карт нь гурван тонн түлш худалдан авах эрхтэй бөгөөд иргэд түлш худалдан авахдаа картаа гэрээт борлуулагчийн аппликэшнд уншуулж, үндсэн эрхээсээ хасуулан тооцно.