• Өнөөдөр 2025-02-05

Автомашин хулгайлсан хүүхдүүд осолд орж, нэг нь амиа алджээ

2021-08-10,   1227

       Чингэлтэй дүүргийн долдугаар хороо, далан давхар явах замд “Гор газ”-ын зүүн талд зам тээврийн осол гарч, 12 настай хүүхэд амиа алджээ. Мөн түүнтэй хамт явсан дөрвөн хүүхдийг яаралтай ГССҮТ-д хүргэсэн байна. 14-16 насны таван хүүхэд согтууруулах ундааны зүйл хэрэглэсэн үедээ автомашин хулгайлж, осолд орсон байж болзошгүй гэх. Ослын талаар Тээврийн цагдаагийн газрын мэргэжилтнээс тодрууллаа.

       Тэрбээр "Хүүхдүүд эцэг, эхийнхээ юм уу, хамаатныхаа автомашиныг хэлэхгүйгээр унаж явсан гэх урьдчилсан мэдээлэл байна. Амь хохирсон хүүхэд зорчигч байсан. Хүүхдүүдийг архи, согтууруулах ундааны зүйл хэрэглэсэн байж болзошгүй хэмээн үзэж, бэртсэн хүүхдүүдийн цуснаас шинжилгээ авч, Шүүх шинжилгээний үндэсний хүрээлэнд хүргүүлсэн. Хариу нь энэ долоо хоногт гарах байх. Хүүхдүүд хоорондоо ямар хамааралтай болох, насанд хүрээгүй хүүхдүүд яагаад хулгайгаар автомашин унаж явсныг тогтоохоор мөрдөн шалгалтын ажил үргэлжилж байгаа" гэв.


Автомашин хулгайлсан хүүхдүүд осолд орж, нэг нь амиа алджээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.