Олимпын наадмын хүндийн өргөлтийн төрлийн эмэгтэйчүүдийн -87 кг жинд ОУХМ, дэлхийн хүрэл медальт М.Анхцэцэг оролцсон. Тэрбээр түлхэлттэй өргөлтийн дараах нийлбэр дүнгээр 252 кг өргөж, дөрөвдүгээр байрт шалгарч, тэмцээнээ өндөрлүүлсэн юм.

       Тэмцээний дараа тэрбээр “Дараагийн олимпоос заавал алтан медаль авч, монголчуудаа баярлуулна” хэмээн байр сууриа илэрхийлсэн билээ.

Харин түүний гэр бүлийн хүн УДЭТ-ын жүжигчин Б.Золжаргалтай холбогдож, сэтгэгдлийг нь хуваалцсан юм. Тэрбээр “Миний хань хүн төрөлхтний эв нэгдлийн бэлэг тэмдэг болсон олимпын наадамд амжилттай оролцлоо. Монгол Улсын хүндийн өргөлтийн амжилтыг эвдэж чадсан шүү. Ханьдаа арваннэгдүгээр сард болох дэлхийн аварга шалгаруулах тэмцээнд нь амжилт хүсье. Монголын ард түмэн М.Анхцэцэгт итгэж, дахин амжилт хүсээрэй. Миний хань бүхнийг чадна, чаддаг ч бүсгүй. Тийм учраас монголчуудын бахархал, миний бахархал шүү дээ” гэсэн юм.