Монгол Улсын Ерөнхий сайд Н.Учрал Япон Улсад болж буй Азийн наадамд эх орныхоо нэрийг дуурсгаж байгаа шигшээ багийн тамирчидтайгаа уулзлаа. Дугуйчин С.Жамбалжамц хүрэл медаль хүртэж, Монголын багийн медалийн салхийг сайхан хагалсан баяр хүргэв. Манай улсаас 298 тамирчин, спортын 31 төрөлд хурд хүч, авьяас чадвараа сорьж байгаа билээ. Зөвхөн бөх, тулааны спортоор бус, дугуй, цахим спорт зэрэг шинэ төрөлд өрсөлдөж байгаа юм.

    Засгийн газраас 2027 оны төсөвт спортын салбарын ажилтнуудын цалинг хамгийн багадаа хоёр сая төгрөг болгохоор тусгасан. Үндэсний шигшээ багийн тамирчдаа олимп, паралимпд амжилт гаргахад шаардлагатай төсвийг гурав дахин нэмэхээр төлөвлөж байгааг Ерөнхий сайд дуулгав.