Сагсан бөмбөгийн “WBLA”- ийн “Women’ Basketball League Asia 2025” тэмцээнд МСБХ-ны Үндэсний дээд лигийн аварга “Улаанбаатар Амазонс” баг Тайваний лигийн аварга багийг 88:82 харьцаатай хожиж анхны хожлоо авлаа. Манай баг 16 оноогоор хожигдож яваад, эцсийн мөчид хожлоо. Монголын эмэгтэй багийн Азийн аваргуудын лигийн анхны, түүхэн хожил байв. Тоглолтын IV үед МУГТ О.Хулангийн хоёр дараалан шидсэн гурван онооны шидэлт, МУГТ Б.Ариунцэцэгийн нэмэлттэй авсан оноонууд маш чухал байлаа.

     Мэдээж хоёр импорт тоглогч сайн байв. Ц. Болорцэцэг  IV үед хамгаалалтад сайн байж багийн тоглолтын хэмнэлд нөлөөлж тоглолтыг тогтоон оноо аваагүй ч багт тун хэрэгтэй байлаа.  Б. Ариунцэцэг 13 оноо, есөн самбар, Труонг 20 оноо, О. Хулан 19 оноо, зургаан самбар, Амари Робинсон 30 оноо, 10 самбар авч багаа ялалтад хүргэв.  О. Хулан, Труонг, Амари Робинсон нар нэг ч минут сэлгээнд суухгүй 40 минут тогложээ. Манай багийн хэсгийн хоёр баг өнөөдөр буюу баасан гарагийн 19:30 цагаас тоглоно. Хятадын баг хожиход манайх шилдэг дөрөвт үлдэнэ.