“Чиндао-2025” гран при тэмцээнд оролцох манай жүдочид эхний бэлтгэлээ хийж байна. Өчигдөр есдүгээр сарын 25-ны өдрийн 14:00 цагаас тэмцээний сугалаа явагдлаа. “Чиндао-2025” гран при тэмцээнд Монгол Улсаас нийт 15 тамирчин оролцох гэж байна. Тус тэмцээнд есдүгээр сарын 26-28-ны өдрүүдэд явагдаж өндөрлөнө. Энэ удаагийн “Чиндао-2025” гран при-д 26 орны эрэгтэй 117, эмэгтэй 83, нийт 200 жүдочин өрсөлдөнө.

ЭРЭГТЭЙЧҮҮДИЙН 60 КГ-ЫН ЖИНД:

     Эрэгтэйчүүдийн 60 кг-ын жинд 18 тамирчин байна.  Манай улсаас ОУХМ Б.Сүхбат “А” хэсгийн нэгдүгээр тойрогт гоц мөргөн ялалт авсан байгаа. Хоёрдугаар тойрогт Хятадын 18 настай залуу тамирчин Jiahao SUN-тай барилдана. Хэрэв түүнийг ялах юм бол “А” хэсгийн аваргын төлөө барилдах боломжтой болно. Энэ жинд залуу тамирчин Т.Түмэнжаргал “D” хэсгийн нэгдүгээр тойрогт Хятадын Yuantao WANG-тай таарсан. Түүнийг ялах юм бол хоёрдугаар тойрогт Тажикстаны Mehrzod SUFIEV-тэй барилдана.

ЭРЭГТЭЙЧҮҮДИЙН 66 КГ-ЫН ЖИНД:

    Эрэгтэйчүүдийн 66 кг-ын жинд 14 тамирчин барилдана. Манай улсаас МУГТ Ё.Басхүү “D” хэсгийг тэргүүлэн нэгдүгээр тойрогт Казахстаны Yerdaulet BOZSHA-тай өрсөлдөнө. Хэрэв түүнийг ялах юм бол хэсгийн аваргын төлөөх барилдааныг Хятад, Тайванийн бөхчүүдийн хэн ялсантай хийнэ.

ЭРЭГТЭЙЧҮҮДИЙН 73 КГ-ЫН ЖИНД:

     Эрэгтэйчүүдийн 73 кг-ын жинд 25 тамирчин байна. Манай улсаас Д.Будсүрэн “А” хэсгийн нэгдүгээр тойрогт Казахстаны Kuan  BARYS-тай таарсан. Түүнийг ялах юм бол хоёрдугаар тойрогт Унгар, Өмнөд Солонгосын бөхчүүдийн хэн ялсантай барилдана. Энэ жинд Л.Энхдөл “С” хэсгийн нэгдүгээр тойрогт Туркийн  Ejder TOKTAY-тай өрсөлдөнө. Хэрэв түүнийг буулган авч чадвал хоёрдугаар тойрогт Тажикстаны Abubakr SHEROV-той барилдана.

ЭРЭГТЭЙЧҮҮДИЙН 81 КГ-ЫН ЖИНД:

      Эрэгтэйчүүдийн 81 кг-ын жинд 17 тамирчин байна. Манай улсаас О.Шинэбаяр “D” хэсгийн нэгдүгээр тойрогт гоц мөргөн ялалт авсан байгаа. Хоёрдугаар тойрогт Өмнөд Солонгосын LEE Junseong-той таарсан. Түүнийг ялж чадах юм бол “D” хэсгийн аваргын төлөө барилдах боломж гарна.

ЭРЭГТЭЙЧҮҮДИЙН +100 КГ-ЫН ЖИНД:

     Эрэгтэйчүүдийн +100 кг-ын жинд 14 тамирчин байна. Манай улсаас ОУХМ Б.Гончигсүрэн “С” хэсгийг тэргүүлэн нэгдүгээр тойрогт гоц мөргөн ялалт авсан байгаа. Хоёрдугаар тойрогт хэсгийн аваргын төлөөх барилдааныг Бахрейн, Хятадын бөхчүүдийн хэн ялсантай хийнэ. Энэ жингийн “D” хэсгийн нэгдүгээр тойрогт  ОУХМ О.Цэцэнцэнгэл, Хятадын Houding WEI-тэй барилдана. Хэрэв түүнийг ялах юм бол “D” хэсгийн аваргын төлөөх барилдааныг Өмнөд Солонгос, Тайванийн бөхчүүдийн хэн ялсантай хийнэ.

ЭМЭГТЭЙЧҮҮДИЙН 48 КГ-ЫН ЖИНД:

      Эмэгтэйчүүдийн 48 кг-ын жинд  долоон тамирчин байна. Манай улсаас ОУХМ Г.Наранцэцэг “С” хэсгийн аваргын төлөөх барилдааныг Хятадын 18 настай залуу тамирчинтай хийнэ.

ЭМЭГТЭЙЧҮҮДИЙН 52 КГ-ЫН ЖИНД:

     Эмэгтэйчүүдийн 52 кг-ын жинд 10 тамирчин байна. манай улсаас Ц.Гал-Од “А” хэсгийн нэгдүгээр тойрог БНАСАУ-ын KIM Won Gum-тай таарсан. Хэрэв түүнийг ялах юм бол хэсгийн аваргын төлөөх барилдааныг  Унгарын Roza GYERTYAS-тай хийх юм. Энэ жингийн “D” хэсгийн нэгдүгээр тойрогт  Б.Уранзаяа гоц мөргөн ялалт авсан байгаа. Хэсгийн аваргын төлөөх барилдааныг Хятадын Xiuzhi JIANG-тай хийхээр болсон.

ЭМЭГТЭЙЧҮҮДИЙН 57 КГ-ЫН ЖИНД:

     Эмэгтэйчүүдийн 57 кг-ын жинд 15 тамирчин байна. Манай улсаас ОУХМ Л.Сосорбарам “D” хэсгийн нэгдүгээр тойрогт Өмнөд Солонгосын NAM Yuri-тай таарсан байгаа. Хэрэв түүнийг ялж чадах юм бол “D” хэсгийн аваргын төлөөх барилдааныг Польш, Хятадын бөхчүүдийн хэн ялсантай хийх боломжтой гарна.

ЭМЭГТЭЙЧҮҮДИЙН 63 КГ-ЫН ЖИНД:

     Эмэгтэйчүүдийн 63 кг-ын жинд 15 тамирчин байна. Манай улсаас МУГТ Л.Энхрийлэн “D” хэсгийн нэгдүгээр тойрогт Өмнөд Солонгосын SHIN Chaewon-той барилдана. Хэрэв түүнийг ялж чадах юм бол “D” хэсгийн аваргын төлөөх барилдааныг Словенийн Kaja KAJZER, Хятадын Lingling LIN нарын хэн ялсантай хийнэ.

ЭМЭГТЭЙЧҮҮДИЙН +78 КГ-ЫН ЖИНД:

    Эмэгтэйчүүдийн +78 кг-ын жинд 12 тамирчин байна. манай улсаас ОУХМ А.Адъяасүрэн “В” хэсгийн нэгдүгээр тойрогт Тайванийн Sin-Yi YU-тэй барилдана. Хэрэв түүнийг буулган авч чадвал хэсгийн аваргын төлөөх барилдааныг Хятадын “Залуу од” Jinesinuer AYIMAN-тай хийнэ.  Энэ жингийн “С” хэсгийн нэгдүгээр тойрогт  ОУХМ Д.Номинзул, Хятадын залуу тамирчин Xiaohan SHANG-тай барилдана. Хэрэв түүнийг ялж чадах юм бол хэсгийн аваргын төлөөх барилдааныг Францын Lea FONTAINE-тай хийх боломж гарна.