Монгол Улсаас БНСУ-ын Пусан хотод суугаа консул Ц.Жадамбаа Пусан хотын “Инжэ” их сургуулийн “Хэүндэ Пэ”-г эмнэлэгт хэвтэн эмчлүүлж буй МУГТ Ц.Баттулга болон тус эмнэлгийн захирал Ким Сон Сү нартай  уулсан байна. Тэрбээр “Инжэ” их сургуулийн “Хэүндэ Пэ”-г эмнэлгийн захирал Кми Сон Сү-тэй спортын гэмтлийн эмч нарыг мэргэшүүлэх, Монголын тамирчдад хөнгөлттэй үнээр үйлчлэх асуудлаар санал солилцжээ.

     “Хэүндэ Пэ”-г эмнэлэгт МУГТ Ц.Баттулга 2025 оны есдүгээр сарын 16-ны өдөр өвдөгний саран хэлбэрийн мөгөөрсний урагдал гэсэн оноштойгоор мэс засалд орсон байна.  Тус эмнэлэг нь тамирчны хагалгаа амжилттай болсныг тодотгоод цаашид олон тэмцээнд амжилт гаргана гэдэгт итгэлтэй байна хэмээн тамирчинд амжилт хүсчээ.

     Консул Ц.Жадамбаа эмнэлгийн захирал Ким Сон Сү-д МУГТ Ц.Баттулга-д “Эрүүл мэндийн тусламж” хөтөлбөрийн хүрээнд үнэ төлбөргүй мэс засал хийн, дэмжиж ажилласанд талархал илэрхийлэв. Цаашид Монгол Улсын спортын мэргэжлийн эмч нарыг шинэ тутамд нэвтэрсэн эмчилгээний чиглэлд мэргэшүүлэх, улмаар тамирчдад хөнгөлттэй үнээр үйлчилгээ үзүүлэх талаар санал тавьсан юм. Эмнэлэгийн удирдлагын зүгээс Консулын тавьсан саналыг дэмжиж хамтан ажиллахаа илэрхийллээ.