БНХАУ-ын ӨМӨЗО-ны Бугат, Баяннуур гэсэн хоёр хотод олон улсын хүүхдийн спортын XI наадам есдүгээр сарын 24-28-ны өдрүүдэд болж байна. Тус наадамд Монгол Улсаас спортын есөн төрөлд 21 дасгалжуулагчийн удирдлага дор 125 тамирчин өрсөлдөж байгаа юм.

    Одоогийн байдлаар Монгол Улсын баг тамирчид таеквондо, чөлөөт бөх, жүдо бөхийн төрлөөр нийт 21 медаль хүртлээ, үүнд 12 алт, таван мөнгө, дөрвөн хүрэл медаль хүртэв. Тухайлбал, таеквондогийн төрөлд зургаан медаль (3 алт, 1 мөнгө, хоёр хүрэл), чөлөөт бөхийн хөвгүүдийн ангилалд долоон медаль (4 алт, 1 мөнгө, 2 хүрэл), жүдо бөхийн төрөлд зургаан медаль (5 алт, 1 мөнгө), ширээний теннисний төрөлд (2 мөнгө) хүртсэн байна.