Чех Улсын домогт жүдочин, олимп, дэлхийн аварга Лукас Крпалекийн тухай “Jemny Rvac” кино Прага хотноо нээлтээ хийв. Чехийн анхны олимп, дэлхийн хошой аварга, жүдогийн домогт тамирчин Лукас Крпалекийн спортын замнал, бахдам амжилтын тухай өгүүлэх баримтат кино Прагa хотын үзэгчдийн хүртээл боллоо.

     Лукас Крпалек нь Чехийн спортын түүхэнд анхны олимпын болон дэлхийн аварга цол хүртсэн жүдочин гэдгээрээ алдар, нэрээ мөнхөлсөн бөгөөд түүний туулсан зам, ялалтад хүрэх амаргүй замыг туулсан түүх энэхүү кинонд тусгагджээ.

     Киноны бүтээлд Монголын талаас Олон улсын жүдогийн холбоо (IJF), Олон улсын жүдогийн бөхийн холбооны (ОУЖБХ) Энх тайвны хорооны дэд дарга, доктор Б. Пагва продюсерээр ажилласан байна. Тэрбээр цаашид Монголын анхны олимпын аваргын тухай баримтат кино хийхээр төлөвлөж буйгаа мэдэгдсэн байна.