Хөнгөн атлетикийн ДАШТ өндөрлөж, үргэлжлүүлэн пара хөнгөн атлетикийн ДАШТ 2025 оны есдүгээр сарын26-наас аравдугаар сарын 5-ны өдрүүдэд Энэтхэг Улсад зохион байгуулагдах гэж байна. Энэхүү тэмцээнд манай улсаас хоёр дасгалжуулагч, гурван тамирчин оролцохоорхүлэгийн жолоо заллаа.

      Цаг уурын аюултай нөхцөл байдал, далайн хүчтэй шуургаас шалтгаалан манай дасгалжуулагч, тамирчид Хонконг Улсын нисэх онгоцны буудалд 48 цаг саатах нөхцөл байдал үүссэн юм. Энэ асуудлаас үүдэн олон нислэг цуцлагдаж, транзит буудлууд дүүрч, төсөв мөнгөний асуудлаас үүдэн баг тамирчид хоёр хоног буудал захиалах боломжгүй нөхцөл байдал үүссэн юм.

     Харин “Travel Agency”-ын хамт олон өөрсдийн зардлаар баг тамирчдыг ядрах, тав тух алдуулахгүйн тулд буудал захиалж баг тамирчдаа дэмжсэн байна. Тамирчид маань хоёр хоног тайван амраад, цаг агаарын нөхцөл байдал сайжирсан үед аюулгүй нисч очоод амжилттай оролцохоор боллоо.