Монголын бүх ард түмний зуны спортын XVI наадам есдүгээр сарын 15-21-ний өдрүүдэд Улаанбаатар хот, Баянхонгор аймагт нэгэн зэрэг болж байна. Наадамд 21 аймаг, есөн дүүргийн 291 дасгалжуулагчийн удирдлага дор нийт 3252 тамирчин 879 багц медалийн төлөө өрсөлдөж байна. Баянхонгорт спортын 17, Улаанбаатарт спортын 11 төрөлд өрсөлдөөн өрнөж байгаа юм.

     Өчигдөр тус наадмын хонхот бөмбөгийн тэмцээнд есөн багийн эрэгтэй тав, эмэгтэй дөрвөн багийн 60 тамирчин өрсөлдөж эхэллээ. Тэмцээн тойргийн журмаар явагдана. Монголын бүх ард түмний спортын наадмын хөтөлбөрт хонхот бөмбөгийн спорт 2014 оноос тасралтгүй орж яваа. Тус тэмцээнээс шалгарсан баг тамирчдад Өмнөд Солонгост арваннэгдүгээр сарын 28-наас арванхоёрдугаар сарын 3-ны өдрүүдэд болох тэмцээнд оролцох эрх олгоно.